Mabilis na lumipas ang oras at ngayon, nakatayo na ako sa labas hinihintay ang tamang pagkakataon upang tumawid sa kabilang dulo.
"Mag-iingat ka, Senyorita. Alas-kwatro, ha?" pag-uulit ni Mildred. "Oo. Maraming salamat. Wag kang magk-kwento kay Nanay Badeth tungkol sa nangyari kanina, ha?" pakiusap ko bago siya iwan. "Uhm. Makakaasa ka, Senyorita." Pagkarinig ko niyon, lumakad na ako't hindi na lumingon. Sabik akong tumakbo patungo sa madamong lupa.
"Naroon na kaya si Edgardo? Kanina pa kaya siya naghihintay?" tanong ko sa aking sarili. Mainit ang panahon at wala akong dalang kahit anong pananggalang ngunit hindi ako nagreklamo dahil mahangin naman kahit papaano. Hinabol ko ang aking paghinga noong marating ko na ang tuktok.
"Senyorita!" maligalig na tawag ni Edgardo na nakasanday sa p
