AQUILINA
Napuno nang labis ang utak ko ng mga katanungan. Sa buong klase, hindi ako kumibo. Pilit kong hinahanap ang dahilan para hindi ako magalit sa pasya ng aking mga magulang. Hindi naman ako ganito. Kahit ano namang nais nila ay tinatanggap ko nang maluwag at masaya. Ngunit bakit sa pagkakataon na ito, ang bigat sa dibdib. Normal lamang sa panahon ngayon na ipinagkakasundo ng dalawang pamilya ang kanilang mga anak upang mapanatili ang kanilang yaman at maganda, mapalawak pa ito.
"Aquilina? Ayos ka lang ba? Kanina ka pa wala sa pokus. Kulang ka ba sa tulog?" tanong ni Mildred. Naririto kami sa kantina, kumakain ng baon namin.
"Siguro. Pasensya ka na kung nag-alala ka."
"Huwag ako ang problemahin mo kung hindi itong si Basilio. Hindi mo ba napapansin na kanina pa siya nakabuntot sa
