Dila ay isa sa mga dahilan kung bakit ang tao ay makasalanan. Ang sumpa na taglay nito ay nakakahawa, sapat na upang makasira ng isang bansa. Kaya kung nagnanais ang isang tao na maging banal, isa sa mga nararapat gawin ay putulin ito nang hindi na makapaghasik ng lagim.
"Sasama ka ba? Kapag pumayag ka kailangan mong pumirma sa papel bago mo makuha ang sampung pisong bayad. Sige na, wala namang mangyayari sa atin dahil uusigin natin 'yong tunay na may sala."
"Sigurado ka ba rito? Hindi ba't paninirang puri lamang ito sa mga Rimas? Alam mo namang mababait naman talaga. Nakalimutan mo na bang binigyan nila tayo ng trabaho?"
"Trabaho? Haha! Ano naman? Kailangan nila tayo para mapalago ang kanilang negosyo. Hindi ka pa rin ba naniniwala?
Namatay 'yong katiwala nilang si Patricio, iyong m
