Matapos ang pakikipagtalo ni Aquilina sa kaniyang sarili, dumating siya sa isang napakadelikadong desisyon.
"Inaasahan kong magtatanda ka na simula ngayon. Wag mong sagarin ang pasensya ko sa iyo, Aquilina. Hindi ka na bata kaya wag kang umakto na basta-basta ko na lang isasawalang-bahala ang mga aksyon mong padalos-dalos," banta ni Donya Salume habang tinititigan nang maigi ang kaniyang anak.
Hagod lamang sa lalamunan ang naging tugon ni Aquilina sa sinabi ng ina. Wala siyang ipinapakitang ekspresyon, malayo ang kaniyang tingin.
"Salume tama na iyan. Ang aga-aga, pakiusap. Wag mong masyadong higpitan si Aquilina dahil nanggaling na rin mismo sa iyong bibig na hindi na bata ang anak natin," saway ni Don Felicio.
Hindi maintindihan ni Aquilina kung ano ang ipinalalabas ng kaniyang ama
