'Kung nagpapasiya kang kalabanin ang iyong ina, paano mo iyon gagawin? Paano ka magtatagumpay? Kung kapangyarihan at impluwensya ang pag-uusapan, wala kang laban. Ni hindi nga natin matukoy kung ano ang kaniyang kahinaan kaya paano tayo aatake?'
'Hmmm... noong una, akala ko ako ang kahinaan ni ina ngunit nagkamali ako. Hindi ako ang kaniyang pinoprotektahan, hindi para sa akin ag kaniyang pagpapagal. Ginagawa niya itong lahat para mapanatiling hawak niya sa leeg si ama. Nais niyang magmukhang matapang, magaling, matalino nang sa gayon, walang maging rason si ama para kontrolin ang pamilya namin.'
'Teka lang. Tama ba ang naiisip ko? Para magtagumpay, gagamitin mo ang iyong ama?'
'Ganoon na nga. Pag-aawayin ko sila para mabaling ang atensyon ni ina kay ama. Alam ko namang hindi sila maghi
