AQUILINA
NAGISING ako na malungkot ang mga taong nasa paligid ko. Tanging si Mildred ang at si Salazar ang nakita ng aking mata. "Patay na ba ako't para kayong naglalamay riyan," natatawa kong tanong ko sa kanilang dalawa.
"Aquilina!" bulalas ni Mildred. Kaagad niya akong niyakap. Akala ko, porket nakatingin sila sa akin ay nakapukol sa akin ang kanilang atensyon. Mukha atang nasa kalagitnaan sila ng pagmumuni-muni.
"Kumusta? Anong nararamdaman mo? May masakit ba sa iyo? Sabihin mo lang nang madala ka kaagad namin sa Hospital!" taranta nitong wika pagkatapos niyang kumalas sa pagkakayakap.
"W-Wala naman. At saka, kaya ko namang indahin ang mga sugat ko sa katawan dahil sa bubog. Kumalma ka't masyado ka atang nag-aalala riyan. Nasaan sina Basilio? Si Edgardo at si Ignacio? Si Ama? Si--S
