NATUKLUSAN NI EMMA na pinamana ng kanilang ama sa kanila ni Cordelia ang hacienda Zendejas pati na rin ang rancho sa Dumaguete. Ipinamana naman nito kay Esmeralda ang hacienda at rancho sa Cebu pati na ang minahan ng ginto sa Zamboanga.
“Hindi kay Esmeralda pinamana ni Papa ang hacienda,” paliwanag ni Emma.
“Kanino, Nay? Hindi ba’t kayo lang naman tatlo ang Zendejas?”
“Sa akin at kay Cordelia. Kaya anak, sa iyo at sa kuya Lito mo ang hacienda Zendejas pati na rin ang rancho. Subalit kinamkam ni Serafina ang lahat!” galit na turan ni Emma.
“Paano nangyari iyon, nay?”
“Pineke ni Serafina ang huling habilin ng aming ama,” ani Emma.
“Nay, kahit na salat tayo sa karangyaan basta sana kasama ko kayo ni Kuya Lito masaya na ako. Wala naman po akong pakialam sa kayamanan ng mga Zendejas. Hin
