MALAKAS ANG PAKIRAMDAM ni Emma na may masamang mangyayari sa Tokyo. Handa na rin ang kaniyang dokumento. Usapan na nila ni Norberto na susunod siya sa mga ito matapos niyang makita ang nilalaman ng bakal na baul. Panahon na para harapin niya si Gambino. Panahon na para magtuos sila sa panlilinlang nito sa kaniya ng mahabang panahon.
“Nay, nakapunta na rin ba kayo sa Japan?” tanong ni Josie.
“Ipirmi mo ang ulo mo, Josette. Aabotin tayo ng alos dose. Ang likot-likot mo.”
“Nanay naman. Hindi ako mapakali. Gusto ko ng makita agad kung anong itsura ng Tokyo. Katulad po kaya iyon sa mga nababasa ko sa mga nobela?”
“Maganda roon kapag tagsibol. Subalit napakainit na parang sinusunog kapag tag-araw.”
“Eh, ‘di Nanay. . . nakapunta ka na nga sa Tokyo?”
“Hindi sa Tokyo. Sa Yokohama at Osaka. N
