ISANG BUWAN ANG nakalipas matapos pumayag si Emma na pasamahin si Josie sa Japan.
Madaling araw pa ang lipad ng mga ito papuntang Tokyo subalit hindi mapakali si Josie. Unang pagkakataong makakasama niya ang kasintahan sa ibang bansa. Unang bakasyon nila iyon kasama si Ethan. Sabik na sabik na rin siyang ibalita kay Noah ang kaniyang natuklasan.
Naglambing si Josie kay Emma.Pinuntahan niya ito sa likod bahay at ginambala.
“Nanay may pinagkakaabalahan ba kayo?” tanong ni Josie habang may binabasa itong dokumento.
“Hindi naman, anak. Bakit?”
“Nay, puwede bang itirintas ninyo ang buhok ko?” paglalambing ni Josie sa ina habang yumapos sa ina na hawak ang papel sa titik na pawang banyagang lengguahe.
“Maupo ka riyan sa aking tokador,” utos ni Emma habang tinapik-tapik ang pisngi ng anak
