KAPANSIN-PANSIN ANG LUNGKOT sa mga mata ni Josie. Para itong nasawi sa isang laro. Tahimik na kumain si Josie habang panaka-naka nitong pinakakain si Ethan. Iniihipan niya muna ang pagkain sa kutsara bago ito isubo sa anak-anakan.
Maya-maya pa ay inabot ni Ethan ang stick ng hotdog at pork barbecue. Salitan nito iyong kinain.” Papa, sol-be-tet,” hirit nito.
“Pagkatapos mo kumain anak. Bibili ako ng sorbetes.
”Yehey!” sigaw nito na ipinalakpak ang maliit na kamay.” Tso-la-te, papa.”
“Josie, iwan ko muna si Ethan sayo. Bibili lang ako ng sorbetes,” paalam ni Noah. Matapos ay ipinakalong kay Josie ang anak.
“Samahan kita, Noah,” ani Elias.
“’Wag na pahinga ka na lamang diyan. Malayo-layo pa ang ipagmamaneho mo mamaya. Kayo ko na.”
Iniwan ni Noah ang mga ito para bumili ng sorbetes. Tin
