NABITAWAN NI NOAH ang mga kamay ni Josie ng marinig sa nobya ang sinambit nito. Hindi niya lubos mawari na ang kaibigan ang pumaslang sa tinuturing na senyorita ng Waray Gang.
“Natatandaan mo pa ba, Noah? Magkakasama kayong dumalo sa kaarawan ni Leandro?”
“Oo, magkasama kami ni Lito. Iyon din ang gabing ibinigay ko sa kaniya ang mga gadyet na dinispalko niya.”
“Noah, hindi ka niloko ng kapatid ko. Nagawa niya lang iyon sa sobrang pagmamahal kay Paloma. Sana ay pakinggan mo muna ang sasabihin ko.”
“Ano ba ang dapat kong marinig, Josette,” ani Noah.
“Paki-usap makinig ka. Ayaw ko ng dalhin pa ang mga lihim na ito. Sobrang bigat na sa aking kalooban, Noah,” paliwanag ni Josie habang pinunasan ang mga luhang naguunahan pumatak sa kaniyang mga mata.
“Ipagpatuloy mo, Josette,” sagot ni Noa
