NAPAISIP SI NOAH sa mga nilathala ng kasintahan. Hindi niya pala lubusang kilala si Leandro. Hindi niya ito kailanman mapapatawad kahit na sinabi pa ni Josie na kagustohan rin ni Paloma ang nangyari. Kahit na may pahintulot si Paloma mali pa rin ang paraan na pagangkin nito sa kaibigan. Alam ni Noah na mahal ni Leandro si Paloma mula pa pagkabata. Ngunit noong dumating si Molly sa bahay ng mga Verdadero tila nabaliwala ang kaniyang kaibigan.
Marahil hindi ang pagalis ni Paloma papuntang Japan ang naging dahilan ng paghihiwalay nila. Siguro nga ay pinagtatakpan lamang ni Paloma si Leandro. Kailangan niya ng matagpuan si Paloma at Lito upang malinawan sa lahat ng nangyari.
“Kung alam mo ang lahat, Josette. Ano’ng ginawa ni Manolito sa pera ko maliban sa pagtulong kay Paloma?” tanong ni No
