ISANG LINGGO NA ang nakakaraan simula ng makaalis si Noah, Josie at Ethan papuntang Japan. Wala pa rin balita si Emma sa kalagayan ng anak. Hindi na rin makontak ni Norberto si Vegabond maging si Yoshida ay hindi rin nagparamdam.
Nababahala na si Emma kaya nagpasya na siyang sundan si Josie. May ibang pinagkakaabalahan naman si Elias. Sumama ito kay Clarissa sa Zamboanga. Kaya naiwang magisa si Emma sa mansyon. Nakakapanibago na hindi niya nakikita at naririnig ang araw-araw na ingay ni Josie at Ethan sa hardin. Tuwing hapon pagkauwi ni Josie sa eskuwela ay matiyaga nitong tinuturuan ng abakada ang alaga.
Hanggang ngayon ay naglalaro pa rin sa kaniyang isipan ang huling sandali na magkasama sila ng anak. Para siyang dinadala sa kaniyang nakaraan. Dahil sa nabuong galit niya noon kay Cor
