PAANO BA SASABIHIN ni Josie na mailap sa mga tao si Scarlet? Tila natatakot ito na may mga taong nakapalibot sa kaniya. Pakiramdam ni Josie tulad niya ay may naranasahan ring karimlan ang ina ni Noah o ‘di kaya’y malagim na trahedya.
Minsan ay ninakawan niya ito ng larawan. Nakita niya ito sa beranda ng kuwarto ni Norberto. Mula sa sulok ng hardin ay kinuhuan niya ito ng litrato. Mahilig si Josie kumuha ng mga retrato. Pinangarap niyang maging isang tanyag na potograpo.
Labinglimang na taon na siya noon. Iyon ang larawang matagal niya ng gustong ibigay kay Noah bilang regalo. Nilagay niya pa iyon sa kuwadro. Subalit wala si Josie na mahanap na tamang pagkakataon.
Maging si Noah ay palihim niyang kinukunan ng retrato. Hindi man siya anak ni Norberto dahil napalapit ito sa kaniya ay ti
