NATULALA SI JOSIE sa dumadagundong na boses ni Noah. Makailang ulit niya na itong narinig na nakipagtaasan ng boses sa ama.Subalit sa oras na iyon ay hindi Noah na galit ang nakikita niya. Noah na lubos na nagaalala sa isang taong mahalaga sa kaniya.
Noon pa man madalas niya na itong pagmasdan kasama si Paloma palabas ng iskinita sa Tondo. Kapag umalis na si Noah ay darating naman agad ang kaniyang kapatid para ihatid at samahan si Paloma sa trabaho nito.
Hinila ni Noah ang upuan sa tabi ni Josie. Naupo itong paharap sa kaniya. Madilim ang mukha at nanlilisik ang mga mata nito. Datapwat kinakabahan na sa maaring mangyayari. Nanatiling kalmado si Josie.
”Alam mo kung nasaan ang kaibigan ko?” patanong na turan ni Noah na may himig paghuhusga. Tumango si Josie at yumuko. Ni hindi niya ma
