Kabanata 43
MATAMAN na nakikinig si Chaos sa kanyang kausap sa smartphone. Kung pwede lang na segu-segundo siya makatanggap ng update, bakit hindi? Mas gusto niya iyon para ba malaman na niya ang katotohanan.
Klinaro nga niya kagabi kay Sanchez ang tungkol sa pagkakasangkot ni Amary sa droga, bagay na hindi rin maintindihan ni Sanchez kung bakit hindi no'n malaman noon ang tungkol doon.
Hindi naman niya mapagtakhan ang kalidad ng pagiging inbestigador ni Sanchez, dahil noon pa man, talagang magaling ang lalaki. Pero paano ang imbestigasyon nina Matias at Darius?
Ngayon tuloy ay hindi na trumpo ang utak niya. Para na siyang may tornado sa loob ng ulo niya.
"WALA naman, sir kahina-hinala sa kilos ni Miss Bentley. Bukod sa umiinom siya sa bar ay wala naman siyang gaanong phone calls na g
