Jasmine
"Hija, may ibinilin si Sky sa akin kanina nang tumawag siya. Mabuti naman at nakababa ka na at baka makalimutan ko na ito mamaya," nakatawang wika ni Nana Marta nang bumungad ako sa hapag-kainan.
"Ano po 'yon?" magalang kong tanong.
Naabutan ko siya na naglalagay ng mga pagkain sa mahabang mesa kasama ang iba pang katulong. Napangiwi ako nang makitang parang may fiesta o kaya ay mukbhang na mangyayari. Napakarami na naman ng mga hinain nila at mukhang masasayang lang ang mga ito. Ako lang naman ang pagsisilbihan nila ngunit kung makapaghanda sila ay parang huling kain ko na 'to. Jusko! Bibitayin ba ako?
Natawa ako sa naisip. Kung ganoon nga ang mangyayari. E, di wow na lang. Naupo na ako. Ginugutom ako sa amoy ng bagong lutong sinaing. Sumandok ako ng kanin. Inamoy ko muna ito
