Matapos iyon, nag-exchange personal vows na ang mga ikakasal.
"Amaya, u-una sa lahat n-nagpapasalamat ako sa Diyos na ikaw ang babaeng talagang inilaan pala niya para maging asawa ko. Pinapangako ko na sasamahan kita sa lahat ng oras, sa lungkot, sa saya, sa lahat ng mga pangarap mo susuportahan kita. Gusto kong malaman mo na sobra-sobra kitang minamahal. Sobrang dami nating pinagdaanan nitong mga nakaraang buwan. Puro p-paghihirap sakit at kung ano-ano pang mga kaganapan na akala ko talaga ay hindi na tayo makakarating sa ganitong sitwasyon na ito na m-mapapasaakin ka na ng tuluyan. Lalo na ng muntik na akong mawala nang tuluyan sayo. Dahil gaya nga ng sinabi ng doktor na namatay na ako pero hindi mo pa rin ako si s-sinukuan kaya naisip ko na ikaw talaga yata ang babaeng inilaan sa akin
