Mga ilang sandali pa ay narinig niya ang pagtawag sa kanya ni Nanay Meling nag-aaya itong kumain, malapit na pala ang mag 12 noon kaya oras na ng pananghalian. Wala sana talaga siyang ganang kumain pero naisip niya na bakit niya gugutomin ang kanyang sarili nang dahil lamang sa isang taong walang kwenta. Dapat hindi niya lalong pabayaan ang kanyang sarili dahil kinawawa nga siya ng lalaking pinagkakatiwalaan niya nang lahat tapos pati ba naman siya hindi pa niya mamahalin ang sarili. Kaya naman bumangon siya at inayos niya ang kanyang sarili tsaka lumabas na ng silid.
"Wow ang bango naman po Nanay Meling, sobrang namiss ko talaga ang nilagang baka na niluto niyo!" masayang wika niya dito. Kahit na hindi umaabot ang maganda niyang ngiti sa kanyang mga mata at maging ang kanyang puso ay na
