Duguan ang bibig ni Amir dahil sa suntok ng kanyang Papa. Kahit na matanda na ito ay hindi pa rin nagbabago ang lakas nito. Mabuti na lamang at naliligo pa si Amaya kung hindi siguradong narinig sila nito lalo na ang pagbalandra niya na napatama pa siya sa tukador at lumikha iyon ng ingay.
Medyo nahilo siya dahil sa suntok na iyon, hindi talaga biro ang lakas ng kanyang Papa kahit na matanda na ito. Bahagyang ipinilig niya ang ulo at nagtangka siyang bumangon pero hindi siya nakabangon dahil bahagya siyang nahihilo dahil sa suntok nito.
Naiintindihan naman niya ang pinagmumulan ng galit nito pero mahirap bang intindihin na nagmamahalan sila ni Amaya. Sabagay hindi naman nakikinig ang kanyang Papa kahit na kanino kaya wala siyang magagawa kundi subukang ipaliwanag dito na wagas ang pag-
