Kabanata 35
Napabuntong-hininga ako. Hindi ko lubos maisip na may ganito rin pala silang sitwasyon, na anak si Zairan sa labas.
“May relasiyon ba si Zairan at Ren?” naitanong ko bigla. Kunot-noong napabaling si Mocha sa akin.
“Ang pagkakaalam ko'y wala.” Bakas sa mga mata nito ang katanungan kung nagkaroon nga ba ng relasiyon si Zairan at Ren.
“Ikaw Catherine. Kailan mo ipapakilala sa amin ang iyong nobyo, nakangiting tanong nito na ikinabigla ko ngunit agad din naman akong nakabawi.
“Ha? Hindi ko pa alam. Siguro'y kung handa na siya,” sagot ko na lamang. Napatango-tango naman ito.
“Mamaya sa pagsilip ng buwan, bubukas ang lagusang nakakubli diyan sa pader. Kapag nabuksan 'yan ay hudyat na nang laro. Kailangan ng masusi at matalinong pag-iisip ang gagamitin mo upang masagot mo l
