Binaybay nila ang kongkretong daan patungo sa malaking boathouse na nasa shoreline. Wala roon ang yate dahil nasa marina. Tanging jet ski, kayak, banana boat at speed boat ang nandoon. Kung hindi pa temporaryong baldado ang dalaga ay baka hiniling na niya kay Thiago na hiramin ang mga ito para naman mag-enjoy siya.
Napahanga siya sa disenyo nitong may dalawang palapag. Nakabukas ang mga ilaw na nakahilera sa daang gawa sa kahoy. Rinig nila ang pagsalpok ng mga alon sa dalampasigan at malamig ang simoy ng hangin.
Iniwan nila ang wheelchair sa baba ng hagdang gawa sa malapad na tabla at pinangko siya ng binata papanhik sa itaas. Doon ay nakikita nila ang ibang parte ng isla at ang marina kung saan may iba’t ibang kulay ng ilaw. Namangha si Mihan sa kanyang nakitang kagandahan.
Nawaglit na
