Hindi alam ni Thiago kung ano ang dapat gawin. Galit siya. Nag-aalala rin siya. Halo-halo ang emosyon niya nang malamang magkasama sina Mihan at Malena. Ayaw niyang nasasaktan si Mihan. Kaya naman ay mabilis siyang pumunta sa grill house na matagal nang nakatayo sa isla, simula noong bata pa siya. Isa iyon sa pinakamatagal nang establisyemento sa isla. At isa iyon sa paborito nilang puntahan na mag-anak kapag nagbabakasyon sa isla dahil masarap ang pagkain doon.
Iyon ang dahilan kung bakit hindi siya nagtaka nang pumunta roon at naratnan ang kanyang ina. Ang hindi niya lang inasahan ay kasama nito si Mihan sa may parking lot, mukhang pinagalitan ang dalaga.
Agad niyang inilayo ang mahal niya mula sa ina, takot na baka kung ano ang pinagsasabi ng kanyang ina. Subalit ay para siyang nabun
