Dalawang beses nang pabalik-balik sa paglangoy sa pool si Thiago nang maratnan ito ni Mihan nang maisip niyang magpahangin sa labas. Hindi niya talaga inasahang nandoon ang binata. Nagulat na lang siyang may narinig na umahon sa tubig galing sa pagsisid.
“Ay, putik! Ginulat mo ‘ko!” Napasapo sa kanyang dibdib ang dalaga. Ang lakas ng t***k ng puso niya. Bahagya pa siyang napaatras at buti na lang ay nakabalanse siya sa kanyang saklay.
Umiwas siya ng tingin nang umakyat ito sa hagdanan ng pool. Dahil sa ilaw sa paligid ay napansin niya nang malinaw na nakasuot lang ito ng swim trunks na itim. Nakabalandra talaga ang magandang katawan ng binata, pati abs na hindi na niya binilang. Ilang beses na rin kasi niya itong nakita. Gayunpaman ay hindi siya immune sa lakas ng dating nito. Nakakatulo
