Nakaalis na ang ina ni Thiago kaya medyo nami-miss din nila ang presensiya nito lalo na’t lagi silang ipinagluluto nito. Ngayon ay isang housekeeper, dalawang bodyguards at isang driver ang kasama nila sa mansion nito. Ayaw nila kapwa ng maraming tao kaya limitado lang.
Gustong kumuha ni Thiago ng nurse para sa kanya pero tumanggi si Mihan.
“Gusto mo talagang ako ang mag-aalaga sa ‘yo, ‘no?” tudyo nito sa kanya habang nasa may pool sila isang hapon.
“Nasanay na ako sa ‘yo,” katuwiran niyang napangiti at nagbu-blush pa.
“’Di, pagsubok ko lang ‘yon sa ‘yo kung gusto mo ngang may nurse na aalalay sa ‘yo at hindi ako. Pero dahil sinabi mong mas gusto mo ang klase ng pag-aalaga ko…” Ibinitin nito ang mga salita upang haplusin ang kanyang pisngi. “Ipapakita ko sa ‘yo kung ano pa ang iba kong
