Tumunog ang cell phone ni Thiago habang itinutulak niya papasok ng kanyang malaking bahay ang naka-wheelchair na si Mihan. Hinugot niya ang aparato mula sa kanyang bulsa at tiningnan ang screen.
“I have to take this call, gorda. Dito ka lang,” ang habilin niya sa dalaga nang nasa salas na sila.
“Hola!” bati ng nakangiting ina niya at sinalubong sila. Alam na nito ang plano niyang dalhin si Mihan sa bahay at doon muna mamalagi habang nagpapagaling.
Mabilis niyang sinabi sa ina na ito muna ang bahala kay Mihan. Pansin niya ang paghalik ng ina sa dalawang pisngi ng dalaga nang iwanan niya ang mga ito sa salas. Siya naman ay lumabas muli ng bahay para pakinggan ang report ng kanyang tauhan.
“Speak,” ang sagot niya rito. Nakinig siyang mabuti sa resulta ng imbestigasyon.
“Ayon sa pagdududa
