NAGPUNTA si Aryanda sa JaPinoy Hotel and Restaurant para bumalik sa kaniyang tungkulin. Buo na ang isip niya na tulungan na lamang ang kaniyang kapatid sa negosyong ipapatayo nito habang nagtratrabaho siya. Gusto niyang tapusin ang isang taon niyang kontrata sa restaurant.
Inaasikaso ni Aryanda ang mga listahan ng menu nang kausapin siya ni Chef Aldy, naroon siya sa opisina at tinitignan isa-isa ang bagong menus na ihahanda nila para naman maiba ang recipe ng restaurant.
"Chef Aryanda, may isang nadagdag sa schedule natin para sa susunod na linggo. Heto, isang wedding reception na tayo mismo ang magluluto ng mga pagkain. Sa tingin ko, vegetarians ang mga ikakasal." Ngumiti ito sa kaniya. "Bukod kasi sa isda ay purong mga veggies na ang menu. At tiyak akong dito ka expert."
Bago iyon sa
