BRIX'S POV
Malamig na hangin ang sumalubong sa amin ni Timothy at Tita Lourdes habang naglalakad kami papunta sa bahay ng magulang ni Celestina. Walang kaalam-alam si Jacob na pumunta kami rito para tanungin ang mga magulang ni Celestina. Lahat kami ay nagdududa sa katauhan ni Celestina at naniniwala kami na siya si Laura.
"Magandang umaga!" sabi ko nang nasa harap na kami ng maliit na karinderya.
Pinagmasdan kami mula ulo hanggang paa. Marahil nagtataka sila kung bakit may taga ibang lugar na napadpad sa kanila. Mahahalata sa itsura at balat namin na hindi kami tagarito.
"Anong kailangan n'yo?" tanong ng matandang babae na nasa edad singkuwenta. May katabi siyang matandang lalaki na nagbabalat ng saging.
"Kami ay galing sa Manila. May nakapagsabi sa amin na kayo raw ang magulang ni C
