DEVILLIANNA FIACRA VERNO
“B-Buburahin ko na ang púta sa bukabyularyo ko…” Nanigas sa kinaupuan si Pierre. Matatawa na parang hindi. Habang umaalingawngaw ang nakakabinging balahaw ng babaeng humawak at ngumudngod sa ‘kin, pinagmamasdan ko kung paano dumaloy ang dugo sa ibabaw ng mesa.
May humihiyaw na tawagin daw si Ferruccio.
Ano naman ang gagawin ng boss nila? Sisipsipin ang dugo imbes na mapatawag ng ambulans’ya?
Nanatili akong naka-upo sa bangko habang tinititigan lang sila kung paano nagpapanic. Napa-lalim yata ang pag-baon ko ng kutsara sa kamay n’ya kaya parang hihimatayin na.
Hindi ko naman kasi sasaksakin kung hindi n’ya ako hinawak-hawakan ng marumi n’yang kamay. “Miss Devillianna, tumakas na tayo!” Mabilis na tumayo si Pierre at hinawakan ang kaliwang pulsuhan ko. Mara
