BILLIE
ITO ang araw nang pagbabalik ko sa trabaho. Ito rin ang araw na mag-isang maiiwan si Damian upang magbantay sa kambal.
Halos buong gabi rin akong hindi nakatulog dahil sa sinabi ni Damian tungkol sa anak nitong si David. Kating-kati na akong mang-usisa ngunit mas pinili ko na lamang ang irespeto ang kanyang pananahimik. Alam ko namang sasabihin din niya iyon kapag handa na siyang buksan ang paksang iyon sa akin.
Hindi ko na nagawang hintayin si Damian bago ako umalis dahil may VIP event sa hotel at kailangan akong pumunta nang maaga. Naroon pa naman si Clark upang turuan si Damian nang mga dapat nitong gawin sa dalawa.
Kahit pa labis akong naging abala sa dahil sa event sa aming hotel ay hindi ko pa rin maiwasang alalahanin kung kumusta si Damian at ang mga bata. Hindi maalis s
