BILLIE
MABILIS na lumipas ang mga araw. Ang planong maghanap ako ng trabaho sa ibang kompanya ay hindi nagkaroon ng katuparan. Sa huli kasi ay bigla ring nagbago ang isip ni Damian at gusto na lamang nitong magtrabaho ako sa lugar na malapit sa kanya. Bagama't nagdadalawang-isip akong tanggapin iyon ay pumayag na rin ako kalaunan. Mas mabuti na ito kaysa manatili lamang ako maghapon sa bahay ni Damian.
He offered me the hotel manager position sa hotel na katabi ng kanyang casino ngunit mariin ko iyong tinanggihan. Gusto kong magsimula sa baba bago ako makarating sa posisyon na iyon. Hindi maaatim ng aking konsensya ang tanggapin ang posisyon na hindi ko pinaghirapan. Pinilit ko rin si Damian na itago sa opisina ang tungkol sa aming relasyon. Iyon ay upang maiwasan ang tsismis na maaaring
