BILLIE
BAGSAK ang balikat akong pumasok sa aking opisina. Nang tuluyan akong mapag-isa ay saka ko lamang naramadaman ang panginginig ng aking tuhod marahil ay dulot ng labis na gutom at pagod.
Pabagsak akong naupo sa malaking swivel chair na nasa likod nang malaking executive table. Bagama't nakakaramdam na ako ng gutom ay hindi ko magawang kumain dahil wala akong gana. Mas pinili ko na lamang ituon ang aking atensyon sa mga naiwan kong trabaho.
Abala ako sa pagbabasa ng isa sa mga bagong kontrata na papasukin ng kompanya. Nasa kalagitnaan pa lamang ako ng pagbabasa nang makaramdam ako nang sakit ng ulo.
"F*ck!" malakas kong sigaw saka marahas na hinawi ang laman ng aking lamesa. Nagkalat ang mga iyon sa sahig habang ang ibang mga papel ay tumilapon sa ere.
Bakit ko ba pinapahirapan
