IMBES na pilitin ni Cold ang sarili na mapalapit muli kay Juvy ay pinagtuunan niya muna ng pansin ang kaniyang sariling buhay. Bumalik siya sa pagbi-bake at muling sinimulan ang pastry. Ang nasunog na bahay ni Rita ay muli niyang ipinatayo sa tulong ng kaniyang kaibigan na si Dark. Gusto niyang mabuhay ang alaala ng bahay na iyon dahil sa kaniyang pangako kay Rita at sa kaniyang sarili.
Naalala niya si Juvy habang nag-iisa. Nakikibalita siya rito kahit na hindi iyon alam ng dalaga. Natutuwa rin siya sa kaniyang kapatid na si Krystal dahil palagi itong nagbibigay ng balita sa kaniya tungkol sa dalaga. Umaasa pa rin siya na kahit na malayo man sila sa isa't isa ay iisa lamang ang isinisigaw ng kanilang mga puso.
Isang buwan ang lumipas mula nang hayaan niya itong maging masaya at mabuhay n
