Hinintay ni Kyline si Gilbert. Isinet-up niya ang romantic dinner date nilang dalawa. Isang gabi na hindi nito makakalimutan.
Isinuot niya ang red lace dress na ibinili nito sa kaniya. Above the knee ang haba niyon. Sinipat niya ang sarili sa full length mirror na nasa kaniyang harapan. Mayamaya ay narinig na niya ang paparating na kotse ni Gilbert. Nasa mansion sila nito sa Tarlac kung saan sa lugar na ito inilibing ni Gilbert ang asawa nitong pinatay nito dahil sa matinding pagseselos.
Sinalubong niya ito sa entrance ng mansion. Kasama nito ang mga tauhan nito ngunit nang makita siya na ganoon ang kaniyang itsura ay mabilis nitong isinara ang main door.
"I miss you," mapang-akit na aniya dito.
Sa labas ng vicinity ng mansion ay nakahanda na ang tauhan ni Rod. Pareho silang gusto nito
