Binayaran ni Veronica ng cash ang lahat ng mga mangga na binili nito sa kanila. One thousand one hundred na kilong mangga ang naani nila na diretsong mapupunta kay Veronica.
Hindi pa rin niya alam kung saan dadalhin ni Veronica ang mga mangga na binili nito sa kanila. Maliban na lang kung may factory ito na gumagawa ng process products o kaya naman may mga customers ito internationally. Hindi niya inusisa ang tungkol sa bagay na iyon dahil nangako na siya kay Juvy na iiwasan si Veronica. Hindi niya gustong magkagalit silang mag-asawa dahil lamang sa isang babae.
Naghanda si Storm ng simpleng tanghalian sa mansion at nagpakain sa kanilang mga trabahador. Iniabot na niya kay Manong Arturo ang sahod ng mga nag-ani.
"Hindi ba darating si Gilbert para samahan ka?" tanong ni Storm kay Veronic
