NANATILING nakatitig si Hatt sa dalaga at pinagmasdan ang magiging reaksyon nito sa sinabi niya. Gusto niyang makasigurado na hindi nito niloloko ang kaibigan niya dahil matagal na panahon itong nawala at bigla na lamang bumalik sa buhay ni Cold.
"Bitawan mo nga ako," mahinang sabi nito.
"Sabihin mo sa akin ang totoo?"
"Wala akong sasabihin sa iyo, Hatt. Baka makita tayo ni Cold."
Tinitigan niya ito sa mga mata. Hindi niya nakilala ang babeng pinakasalan ng kaniyang kaibigan pero may masama siyang kutob sa babaeng nasa harapan niya. Marahil ay bulag-bulagan lamang si Cold sa katotohanan.
"Ikaw ba talaga si Rita Garcia o ikaw si Juvy Pascual? Alam mo ba na ipinaimbestigahan kita." Inilapit niya ang mukha sa mukha nito. "At kapag nalaman ko na niloloko mo lamang ang kaibigan ko, humanda
