"Kung ako sa iyo pinatulan ko na ang babaeng iyon," nanggigil na sabi ni Raf na hindi iniaalis ang tingin kay Kyline na seryoso sa pakikipag-usap sa kausap nito sa cellphone.
"Kilala mo naman ako, Raf. Hindi ako pumapatol sa taong may sayad katulad ni Kyline. At saka birthday party ito ni Cold hindi ko gusto na dahil lang sa akin mapahiya si Cold sa mga bisita niya," paliwanag naman ni Juvy sa kaibigan.
Tumabi sa kaniya si Melody habang nasa may catering sila at kumuha ng masasarap na mga pagkain. Kaniya-kaniya silang hawak na plato at tanging sila lamang tatlo ang nasa mahabang table na pagpipilian ng mga pagkain.
Kausap ni Cold si Hatt at umiinom ang mga ito ng brandy. Kasama ang mga kaibigan at mga tauhan marahil ng mga ito sa iisang table.
"Kunsabagay, ang dapat mong pagtuunan ng p
