HINANAP ni Kyline si Cold sa bahay nito ay maging sa office nito sa hacienda pero wala any binata. Wala ring sinasabi sa kaniya ang mataray nitong kapatid na si Kristal at mga kaibigan nito sa kaniya.
Pakiramdam ni Kyline ay itinatago ng mga ito si Cold sa kaniya at hindi siya makakapayag doon.
Umuwi si Kyline na masamang-masama ang loob at mainit ang ulo. Tinawag niya ang pangalan ni Manang Lolet para hatiran siya ng wine.
"Ang kukupad ninyong kumilos!" sermon niya sa dalawang katulong nila.
Dumating ang kaniyang daddy at naabutan siyang nagagalit. Isang maliit na negosyante ang kaniyang ama at mayroon silang mango farm sa San Vicente, sakop ng Victoria.
Siya ang unica iha ng kaniyang daddy, mayroon siyang nag-iisang kapatid na lalaki na pabalik-balik sa kulungan dahil sa paggamit ni
