"ANO ang iniisip mo?" tanong ni Cold kay Juvy habang nakasandal ito sa may bintana at nakatingin sa kaniya. Kakatapos lamang nitong magbihis at nakasuot ng maluwang na t-shirt.
"Iniisip kita..." Tumawa ito na para bang iniinis lamang siya.
"Juvy..."
"Hindi ka ba napapagod?" seryosong tanong nito sa kaniya habang palapit siya sa tabi nito.
"Napapagod saan?" maang naman niyang tanong dito.
"Sa pagtakbo sa isip ko." Humagalpak ito ng tawa at saka siya siniko. "Corny no?"
"Saan mo naman nakuha ang mga jokes mong iyan?" Hinawakan niya ang kamay nito at saka hinagkan.
"Sa mga kaibigan ko, sina Raf at Melody. Sila ang nagturo sa akin ng mga kalokohan e."
"Iwasan mo sila, ayokong mabaliw ka."
"Grabe ka naman. Sila lang ang mga kaibigan ko maliban kay Hatt. Kumusta na kaya siya? Siguro sa
