PINAPAKINGGAN lamang ni Cold ang masayang tawanan ng kaniyang mga kaibigan sa may dining table habang masaya ang mga itong kumakain ng hapunan. Pinag-uusapan ng mga ito ang mga nangyari ngayong araw tungkol sa hacienda at sa cafe na sinimulan niya.
Lumabas siya ng kaniyang kuwarto at tumigil ang mga ito sa pag-uusap.
"Bro, halika na. Sabayan mo kaming kumain," pag-aaya ni Storm sa kaniya.
"Sige lang, mamaya na ako hindi pa ako nagugutom," sagot niya na hindi nilingon ang kaniyang kaibigan.
"Kuya Cold, saan ka pupunta?" pahabol na tanong sa kaniya ni Kristal.
"Sa bundok, tatambay muna ako sa cafe," sagot niya na bahagyang nilingon ang kaniyang kapatid.
Hindi na ito umimik at nagpatuloy siya sa paglalakad. Maliwanag ang paligid dahil maraming mga ilaw sa hacienda at sa paligid niyon. N
