NAKATINGIN si Juvy sa kawalan habang hawak ang mainit na tasa ng kape na pakiramdaman niya hindi tumatagos sa kaniyang balat ang init niyon. Tila wala siya sa kaniyang sarili na kanina pa namamanhid ang mga mata sa kakaiyak.
Mas masakit ang nararamdaman ng kaniyang puso habang iniisip kung ano ang nangyayari sa kanila ni Cold. Gusto niyang maniwala na mahal siya nito ngunit habang pinipilit niya ang kaniyang sarili na maniwala na mahal talaga siya nito ay lalo lamang siyang nasasaktan.
Naibigay na niya ang lahat at wala nang natira sa kaniya. Ang puso at ang buo niyang sarili ay naisuko na niya.
Nabitawan ni Juvy ang tasang hawak niya sa sahig. Kaagad naman siyang nilapitan ni Hatt na hindi kumikibo habang nakatingin lamang sa kaniya.
"Hindi ko alam kung dapat ba akong magalit sa iyo,
