Tinulungan ni Juvy si Cold sa pagliligpit ng mga kinalat nila sa kusina. Habang hinihintay niyang matuyo ang kaniyang mga damit na nilabhan niya ay isinuot muna niya ang puting long sleeves ni Cold na hanggang hita niya. At hiniram niya ang pajama ni Kristal sa kuwarto nito para may magamit siya.
Pinapanuod niya si Cold na nakasuot ng short at apron bilang pang-itaas nito. Napalunok siya nang habang nakatingin sa malapad na likod nito na may matitigas na muscles.
Inaayos nito ang nagawang cake na mabilisan nitong ginawa. Wala siyang naitulong dito kun'di panoorin lamang ito sa ginagawa.
Tumigil si Cold sa ginagawa nang mapansin siyang pinapanuod ito.
"Na-in love ka na naman diyan?" biro nito sa kaniya na malapad siyang nginitian.
"Hindi naman... iniisip ko lang kung masarap ba iyan?"
