Mabilis na binuhat ni Cold si Juvy na biglang nawalan ng malay dahil sa nangyari. Umiiyak si Melody na hindi alam ang gagawin sa kaibigan. Alalang-alala naman si Manang Thelma na hindi magkandaugaga sa pagtatanong ng mga bisita tungkol sa nangyari kay Juvy.
Nakasunod ang kaniyang kapatid na si Kristal na may tintawagan sa cellphone nito.
"Kuya, nakausap ko na si Doc Alvarez pupunta na siya rito," sabi ni Kristal habang mabilis na naglalakad na nakasunod sa kaniya.
Dinala ni Cold si Juvy sa kanilang kuwarto. Inayos ni Kristal ang wedding dress ni Juvy habang nakahiga ito sa kama.
Inihilamos niya ang palad sa kaniyang mukha. "Bakit hindi niya iyon sinabi sa akin? Ginawan siya ng masama ng hayop na iyon! Mapapatay ko siya!" nanggagalaiting ani Cold.
Hinawakan ni Kristal ang kaniyang bras
