Araw-araw ay dinadalaw ni Juvy si Cold sa hospital. Inaalagaan niya ito at palagi niyang kinukuwentuhan ang binata tungkol sa masasayang nangyayari sa buhay niya araw-araw. At palagi niyang sinasabi rito kung gaano niya ito kamahal. Kahit na palagi siyang puyat sa pagbabantay at pag-aalaga rito.
Nakatingin si Juvy sa walang malay na binata. Hawak niya ang kamay nito habang umiiyak.
"Sorry... sorry kung matigas ang ulo ko. Palagi na lang kitang binibigyan ng sakit ng ulo. Akala ko kasi kaya kong solusyunan ang problema na ako lang mag-isa. Naging selfish ako sa iyo, Cold at kay Rita. Alam mo tama si Luke... mula nang dumating ako sa buhay mo naging magulo na ang lahat. Kung hindi siguro ako nagpanggap bilang si Rita sana... sana nabuhay ka sa katotohanan at hindi sa kasinungalingan ko. Sa
