Nanginginig sa galit si Kyline habang nakatingin kay Hatt na nakaharang sa daraanan niya. Hindi sana si Cold ang naaksidente kun'di ito kung hindi lang pumalpak ang plano.
"Sumusobra ka na, Hatt! Kaibigan ako ni Cold at hindi ninyo dapat ako ginaganito!" naiinis na aniya sa binata.
"Kyline, kakauwi lang ni Cold galing hospital. Alam mo naman siguro na naging kritikal ang lagay niya roon. Besides, never kong nakita na concern ka sa kaibigan ko. It's been a month na hindi na nagpakita. Bigla tuloy akong na-curious kung nasaan ka?" nakangising tanong ni Hatt na para bang may alam na naman ito sa kaniya.
Hindi siya dumalaw kay Cold dahil kinailangan niyang i-relax ang sarili niya. Nagkaroon siya ng emotional breakdown at hindi siya makausap ng matino. At para na rin makaiwas siya sa mga par
