"Gavin..." Nakipagkamay si Cold sa kaniyang kaibigan na si Gavin Araneta na naabutan niyang nasa loob ng kaniyang bahay at naghihintay sa kaniya. Business partner niya ito at isang secret agent.
"Cold, matagal na panahon din mula noong huli tayong nagkausap. Kumusta ka na?" masaya silang nagyakap. "Tungkol ba kay Hatt ang pag-uusapan natin?"
Inuutusan niya si Manang Thelma na ikuha sila ng brandy. At nang makabalik ang matanda sa kanila ay pinaupo niya ang kaibigan sa sofa.
Binuksan niya ang brandy at sinalinan ang dalawang baso. Pagkatapos ay binuksan niya ang kaniyang laptop para ipakita kay Gavin ang email na ipinasa sa kaniya ni Raf.
Ipinakita niya iyon kay Gavin. "May ginagawang imbestigasyon si Hatt tungkol sa car accident ko, Gavin. Wala siyang sinasabi sa amin tungkol dito. Gus
