Hindi alam ni Yolly kung ilang oras na siyang nakatitig sa singsing na nakasuot sa daliri niya. Iniikot-ikot niya iyon habang pinagmamasdan. Halu-halong emosyon ang kanyang nararamdaman.
Tapos ay sa bote ng gatorade naman siya napatingin. Saka sa lagayan ng jollibee fries.
Ang lungkot niya pero napapangiti siya habang pinagmamasdan iyon. Naalala niya kasi ang mga araw na... na ang gulo nila ni Andy pero masaya naman. 'Yung para silang aso't pusa pero sa huli ay nagngingitian naman sila.
Hindi niya namalayan na tumutulo na ang luha niya. Hanggang sa suminghot-singhot na siya, na nagtuloy-tuloy sa pahagulgol.
Bakit ba kasi? Bakit ba kasi hindi na lang nagtutuloy-tuloy ang lahat?
Kainis naman, eh!
Sana pala nag-END na lang ang kuwento nilang ito ni Andy noon pa. Noong hindi pa niya ala
