PAGKATAPOS ng trabaho sa researching office ay sumama si Natassa kay Derek na pumunta ng safe house sa Mactan. Nakisabay lang siya rito sa pag-teleport. Pasado alas-dose ng tanghali ay nakarating sila sa safe house.
“Sana kumain ka muna bago ka sumama sa akin,” sabi ni Derek, habang papasok sila sa gusali.
“Wala akong ganang kumain,” aniya.
“Ano ba ang kailangan mo rito?” tanong nito.
Hindi siya nakasagot. Ano nga ba talaga ang kailangan niya roon? Hindi niya maintindihan bakit para bang may nag-uutos sa kanya na pumunta roon. Huminto sila ni Derek sa canteen. Awtomatikong nahagip ng paningin niya si Elias na kasama si Eunice sa iisang mesa at kumakain habang masayang nagkukuwentuhan.
May kung anong matutulis na bagay na tumulos sa dibdib niya. Para siyang sinumpa na makita ang senary
