Kabanata 22
Sa ilalim ng buwan
Pinilit kong tumayo at maglakad ng normal, may konting kirot pero kaya ko naman na. Bumalik ako sa cabin para mahiga na at magpahinga. Hindi na siguro ako makikigulo sa kanila na halatang nag kakasiyahan nang sindihan na ang bonfire.
Matapos kong magpalit ng spaghetti strap at shorts short ay nahiga na ako at pumikit, pero kahit anong baling ko ay di ako dalawin ng antok. Dagdag pa ang ingay mula sa labas na panay ang sigawan at tuksuhan.
Bumangon ako para magsuot ng cardigan at silipin sila mula sa bintana ng cabin. Mukang nagkakasiyahan nga sila dahil may alak na itong iniinom.
May isang grupo din sa kabilang panig na di ko naman kilala. Natuon lang ang pansin ko sa grupo nila Matteo na nagtatawanan.
Bakas sa muka ang saya nito habang katabi si Aira.
