"Hindi pa rin ako makapaniwala, Noel. Hindi ako makapaniwala na nandito ka na ulit sa tabi ko." Magkatuwang na ngayon sina Aileen at Noel sa pag-aasikaso ng kanilang anak. Tulog na ang sanggol nila sa crib nito pero nanatili sila roon na nakatayo. Pinagmamasdan nila ang mala-anghel nilang anak sa pagtulog. Napagod siguro sa pag-iyak kanina kaya ang himbing ng tulog.
Ngumiti si Noel sa asawa. Tapos ay kinintalan niya ng halik ito sa labi saka inakbayan. "Salamat at pinanganak mo pa rin ng maayos ang anak natin, Aileen. Kahit na wala ako sa tabi mo no'ng araw na iyon. Ang cute niya! Kamukhang kamukha mo!"
"Syempre naman. Alam ko naman na babalik ka, na babalikan mo ang anak natin at 'di ka papayag na hindi mo siya makita. Siguro grabe ang paghihirap mo ro'n. At buti na lang hindi ka rin na
